బుచ్చిబాబుకు మైత్రీ క్లాస్ట్లీ గిఫ్ట్.. ఏంటో తెలుసా ?
బ్లాక్ బస్టర్ హిట్ ఇచ్చిన దర్శకుడికి నిర్మాతలు, హీరో బహుమతులు ఇవ్వడం టాలీవుడ్ సాధారణమే. ఇలాంటి అలవాటు మైత్రీ మూవీస్ నిర్మాతలకు ఉంది. గతంలో ఛలో, ప్రతిరోజు పండగే.. దర్శకులకు మైత్రీ నిర్మాతలు కాస్ట్లీ కార్లని గిఫ్టులుగా ఇచ్చారు. తాజాగా ఉప్పెనతో బ్లాక్ బస్టర్ హిట్ అందించిన కొత్త దర్శకుడు బుచ్చిబాబు సనాకు మైత్రీ నిర్మాతలు ఓ గిఫ్ట్ ప్లాన్ చేశారట. అందులోనూ బుచ్చికి రెండు ఆఫర్లు కూడా ఇచ్చారు.
ఇందులో ఒకటి ఇళ్లు, రెండోది కాస్ట్లీ కారు. ఈ రెండింటిలో ఏది కావాలో సెలక్ట్ చేసుకోమని బుచ్చికి ఆఫర్ ఇచ్చారట. మరీ.. బుచ్చి అల్రెడీ ధనవంతుడు. శ్రీమంతుడు. మరీ.. మైత్రీ మూవీస్ నిర్మాతల ఇచ్చిన గిఫ్ట్ ఆఫర్లలో దేన్ని కోరుకుంటాడు అన్నది చూడాలి. ఇక గత శుక్రవారం ప్రేక్షకుల ముందుకొచ్చిన ఉప్పెన కలెక్షన్స్ సునామీ సృష్టిస్తోంది. తొలిరోజే.. ఉప్పెన ఖాతాలో రూ. 10కోట్లు పడ్డాయ్. మూడ్రోజుల్లోనే రూ. 50కోట్లు వసూలు చేసి.. రూ. 100కోట్ల దిశగా పరుగులు పెడుతోంది.
