‘ఆకాశవాణి’ టీజర్ చూశారా ?
కొత్త దర్శకుడు అశ్విన్ గంగరాజు దర్శకత్వంలో సముద్రఖని, వినయ్‌ వర్మ, తేజ కాకుమాను, ప్రశాంత్‌ ప్రధాన పాత్రల్లో నటించిన చిత్రం ‘అకాశవాణి’. ఈ చిత్రానికి సాయి మాధవ్ బుర్రా సంభాషణలు అందించారు. కాలభైరవ సంగీతం అందించారు. షూటింగ్ పూర్తి చేసుకున్న ఈ సినిమా త్వరలోనే ప్రేక్షకుల ముందుకు రానుంది.
తాజాగా ఈ సినిమా టీజర్ ని దర్శకధీరుడు రాజమౌళి విడుదల చేశారు. ‘ఆకాశవాణి’ భారీ విజయం సాధించాలని ఆయన ఆకాంక్షించారు. చిత్రబృందానికి అభినందనలు తెలిపారు. అడవికి సమీపంలోని ఓ గ్రామం, అందులోని ప్రజానీకం, అడవి మనిషిని చూసి చిన్నపిల్లాడు భయపడటం, రాత్రిళ్లు గ్రామస్తులు దేనికోసమో అన్వేషణ సాగించడం… టీజర్‌లో చూపించారు. చివర్లో ‘ఇక్కడేదో తప్పు జరుగుతోంది’ అని సముద్రఖని చెప్పే డైలాగ్‌ ఆకట్టుకుంది.
