పవన్ తొడగొట్టి మరీ.. చెబుతున్నాడు !
పవర్ స్టార్ పవన్ కల్యాణ్ తెరమీద కనిపిస్తేనే అభిమానులకి పూనకం వస్తుంటుంది. ఊగిపోతారు. అలాంటిది పవన్ తొడగొడితే.. ఇంకేమైనా ఉంటుందా ? ఈ సారి పవన్ నిజంగానే తొడగొట్టబోతున్నారు. వస్తున్నా కాసుకోండని తొడగొట్టి మరీ చెప్పబోతున్నాడట. క్రిష్ దర్శకత్వంలో పవన్ నటిస్తున్న చిత్రం ‘హర హర వీరమల్లు’. త్వరలోనే టీజర్ ని రిలీజ్ చేయబోతున్నారు. అయితే టీజర్ లో ఉండే సీన్స్ ముందే లీకవుతున్నాయ్.
టీజర్ లో పవన్ తొడగొట్టబోతున్నారట. ‘వస్తున్నా..కాసుకోండి’ అనే లాంటి డైలాగు కు కొనసాగింపుగా తొడగొట్టే సీన్ టీజిర్ లో వుంచనున్నారట. టీజిర్ తోనే సినిమాపై అంచనాలని పెంచేసే ఆలోచనలో చిత్రబృందం ఉందని తెలుస్తోంది. పవన్ తొడగొడితే ఎలా ఉంటుంది ? అని చూడ్డానికి ఆయన అభిమానులు కూడా ఆతృతగా ఎదురు చూస్తున్నారు. ఇక ఈ సినిమాలో పవన్ బందీపోటుగా కనిపిస్తారని సమాచారమ్.
