చిన్న పిల్లల్లా మారిన టీమిండియా ఆటగాళ్లు
టీమిండియా ఆటగాళ్లు మళ్లీ బాల్యంలోకి వెళ్లిపోయారు. చిన్నపిల్లల్లా మారి ఏది చేయాలనిపిస్తే అది చేశారు. తోటి క్రికెటర్లతో చిన్నపిల్లలా సరదాగా గడిపారు.ఇంగ్లాండ్‌తో టెస్టు సిరీస్‌ విజయం సాధించిన టీమ్‌ఇండియా ఇప్పుడు దొరికిన విరామ సమయాన్ని పూర్తిగా ఆస్వాదిస్తోంది.
ఈ శుక్రవారం నుంచి మొతేరాలోనే జరిగే ఐదు టీ20ల సిరీస్‌ నేపథ్యంలో ఆటగాళ్లంతా అహ్మదాబాద్‌లోని హోటల్లో ఉంటున్నారు. ఈ క్రమంలోనే తాజాగా అక్కడున్న కిడ్స్‌ ప్లే జోన్‌లో సరదాగా గడిపారు. రోహిత్ శర్మ, రిషభ్ పంత్, కుల్‌దీప్‌ యాదవ్‌, శిఖర్‌ధావన్‌ చిన్నపిల్లల్లా ఎంజాయ్‌ చేశారు.
ఆ వీడియోని ధావన్ సోషల్ మీడియాలో షేర్ చేశారు. ఇందులో ధావన్, కుల్‌దీప్‌ చిన్నపిల్లల సైకిళ్లు తొక్కుతూ కనిపించారు. పంత్, రోహిత్ ప్లాస్టిక్‌ బంతులతో కొట్టుకుంటూ కనిపించారు. ఇప్పుడీ.. ఈ వీడియో సోషల్ మీడియాలో వైరల్ అవుతోంది.
