యాదాద్రి లైటింగ్ డెమో.. చూశారా ?
యాదాద్రి లక్ష్మీనరసింహా స్వామి పునర్మాణ పనులు పూర్తి కావొస్తున్నాయ్. ఈ నేపథ్యంలో యాదాద్రిలో రాత్రివేళలో లైటింగ్ కి సంబంధించిన డెమోని విడుదల చేశారు. ముఖ్యమంత్రి కార్యాలయం అధికారిక ట్విట్టర్ లో ఈ డెమో వీడియోని ఉంచారు. లైట్స్ వెలుగులో యాదాద్రి ఆలయం మెరసిపోతుంది. కన్నుల పండగగా కనిపిస్తోంది. ఇక అతి త్వరలోనే సీఎం కేసీఆర్ చేతుల మీదుగా ఆలయ ప్రారంభోత్సవ కార్యక్రమాన్ని నిర్వహించనున్నారు.
ప్రత్యేక తెలంగాణ రాష్ట్రం వచ్చిన తర్వాత యాదాద్రి పునర్మాణంపై సీఎం కేసీఆర్ నిర్ణయం తీసుకున్నారు. ప్రతి బడ్జెట్ లోనూ యాదాద్రి కోసం రూ. 100కోట్లు కెటాయిస్తూ వస్తున్నారు. యాదాద్రి ఆలయంతో పాటు చుట్టు ప్రక్కల ప్రాంతాలని అభివృద్ది చూస్తున్నారు. హైదరాబాద్ నుంచి అతి దగ్గరగా ఉండే యాదాద్రి ఆలయానికి భక్తులు పోటెత్తుతున్నారు. ఆలయ పునర్మాణ పనులు చేపట్టిన తర్వాత భక్తుల సందడి మరింత పెరిగిందని చెబుతున్నారు.
