సీతగా అలియా లుక్.. అదిరిపోయింది !
ఎన్టీఆర్, రామ్ చరణ్ కథానాయకులుగా దర్శకధీరుడు రాజమౌళి తెరకెక్కిస్తోన్న భారీ మల్టీస్టారర్ ‘ఆర్ఆర్ఆర్’. ఇందులో అల్లూరి సీతారామ రాజుగా రామ్ చరణ్, ఆయనకి జంటగా బాలీవుడ్ బ్యూటీ అలియా భట్ సీత పాత్రలో నటిస్తున్నారు. అలియా బర్త్ డే కానుకగా తాజాగా ఆమె ఫస్ట్ లుక్ ని విడుదల చేశారు. కట్టు-బొట్టు, పాపడ బిళ్ళతో అలియా సూపర్భ్ గా కనిపిస్తోంది.
ఇప్పటికే #RRR రిలీజ్ డేటుని చెప్పేశారు. వచ్చే యేడాది సంక్రాంతి కానుకగా ఆర్ ఆర్ ఆర్ ని ప్రేక్షకుల ముందుకు తీసుకు రానున్నారు. బాహుబలి తర్వాత రాజమౌళి చేస్తున్న చిత్రమిది. స్వాత్రంత్య్ర సమరయోధులు కొమరం భీమ్, అల్లూరి సీతారామరాజుల మధ్య గల ఓ కామన్ పాయింట్ ఆధారంగా దర్శకుడు రాజమౌళి ఆర్ ఆర్ ఆర్ కథని రాసుకొన్నారు. ఇందులో కొమరంభీమ్ పాత్రలో తారక్.. ఆయనకి జంటగా హాలీవుడ్ బ్యూటీ ఒలివియా మోరీస్ నటిస్తున్నారు.
