రస్మిక పొలం దున్నుతోంది.. చూశారా ?
టాలీవుడ్ హీరోయిన్ రష్మిక మందన వ్యవసాయం చేస్తోంది. బుడద పొలం దున్నుతోంది. దీనికి సంబంధించిన వీడియో ఒకటి సోషల్ మీడియాలో వైరల్ అవుతోంది. సినిమా కోసమే రస్మిక పొలం దున్నుతోంది. త‌మిళంలో కార్తీ హీరోగా రూపొందుతున్న ‘సుల్తాన్’ చిత్రంలో రస్మిక హీరోయిన్‌గా నటిస్తోంది. బ‌క్కియ‌రాజ్ క‌ణ్ణన్ ద‌ర్శక‌త్వంలో రూపొందుతోన్న చిత్రమిది. య‌స్‌.ఆర్‌. ప్రభు ఈ చిత్రాన్ని నిర్మిస్తున్నారు.
ఈ సినిమాలో రష్మిక పల్లెటూరి యువతి పాత్రను పోషిస్తుంది. తాజాగా ఈ సినిమాకు సంబంధించిన ఓ వీడియోని రష్మిక తన ఇన్‌స్ట్రాగ్రామ్‌ అకౌంట్‌లో షేర్‌ చేసింది.ఇందులో రష్మిక పొలం దున్నుతూ కనిపిస్తోంది. దుక్కిదున్నే యంత్రంతో రష్మిక బురదలోకి, రైతు మాదిరి పొలం దున్నుతుంది. ప్రస్తుతం ఈ వీడియో సోషల్ మీడియాలో చక్కర్లు కొడుతోంది. ఏప్రిల్ 2న ‘సుల్తాన్’ థియేటర్లోకి రానుంది. మరోవైపు తెలుగులో రస్మిక నటిస్తున్న పుష్ప జెడ్ స్పీడుతో షూటింగ్ జరుపుకుంటోంది.
