చరణ్ బర్త్ డే గిఫ్ట్ ప్రకటించిన #RRR టీమ్

మెగా పవర్ స్టార్ రామ్ చరణ్ అభిమానులకు గుడ్ న్యూస్. తాజాగా చరణ్ బర్త్ డే గిఫ్ట్ ని ప్రకటించింది #RRR టీమ్. చరణ్ బర్త్ డే కానుకగా ఈ నెల 26న #RRR నుంచి కొత్త పోస్టర్ పోస్టర్ ని విడుదల చేయనున్నట్టు తెలిపింది. ఈ మేరకు #RRR చిత్రబృందం ట్విట్ చేసింది. ఫైర్ సెట్ అవతార్ లో రామరాజుని  చూపించబోతున్నామని తెలిపింది. దీంతో మెగా అభిమానులు ఫుల్ ఖుషి అయిపోతున్నారు.

తారక్, చరణ్ కథానాయకులుగా #RRR తెరకెక్కుతోన్న సంగతి తెలిసిందే. గత యేడాది రామ్ చరణ్ బర్త్ డే కానుకగా ‘భీమ్ ఫర్ రామరాజు’ ప్రోమోని విడుదల చేశారు. అది అదిరిపోయింది. ఎన్టీఆర్ వాయిస్ ఓవర్ తో రామ్ చరణ్ యాక్షన్ అదిరింది. ఇక ఈసారి బర్త్ డే కానుకగా చరణ్ అభిమానులకు ఆర్ ఆర్ ఆర్ చిత్రబృందం బర్త్ డే గిఫ్ట్ ప్రకటించేసింది. మరీ.. కేవలం అల్లూరిగా చరణ్ ఫైర్ సెట్ పోస్టర్ ని మాత్రమే వదులుతారా ? అందులో సీత (అలియాభట్) కు చోటు ఇస్తారా ? అన్నది చూడాలి.

ఇప్పటికే #RRR రిలీజ్ డేటుని చెప్పేశారు. వచ్చే యేడాది సంక్రాంతి కానుకగా ఆర్ ఆర్ ఆర్ ని ప్రేక్షకుల ముందుకు తీసుకు రానున్నారు. బాహుబలి తర్వాత రాజమౌళి చేస్తున్న చిత్రమిది. స్వాత్రంత్య్ర సమరయోధులు కొమరం భీమ్, అల్లూరి సీతారామరాజుల మధ్య గల ఓ కామన్ పాయింట్ ఆధారంగా దర్శకుడు రాజమౌళి ఆర్ ఆర్ ఆర్ కథని రాసుకొన్నారు. ఇందులో కొమరంభీమ్ పాత్రలో తారక్.. ఆయనకి జంటగా హాలీవుడ్ బ్యూటీ ఒలివియా మోరీస్ నటిస్తున్నారు. 

Unleashing @AlwaysRamCharan‘s FIERCEST avatar as Ramaraju for his birthday with a new poster! 🔥🔥#RRRMovie

RAMA RAJU aRRRiving— RRR Movie (@RRRMovie) March 20, 2021