తారక్ ని టార్గెట్ గా పెట్టుకున్న కాల భైరవ

ప్రముఖ సంగీత దర్శకుడు కీరవాణి ఇద్దరు కొడుకులు కాల భైరవ, శ్రీసింహా ఇద్దరు ఒకే సినిమా ‘మత్తు వదలరా’తో ఇండస్ట్రీకి పరిచయం అయిన సంగతి తెలిసిందే. సింహా నటిస్తున్న రెండో సినిమా ‘తెల్లారితే గురువారం’. ఈ చిత్రానికి కొత్త దర్శకుడు మణికాంత్ దర్శకత్వం వహించారు. ఈ వారమే (మార్చి 27) ప్రేక్షకుల ముందుకు రానుంది. 

ఇటీవల జరిగిన ఈ సినిమా ప్రీ రిలీజ్ ఫంక్షన్ కు యంగ్ టైగర్ ఎన్టీఆర్ ముఖ్య అతిథిగా హాజరయ్యారు. రాజమౌళి ఫ్యామిలీతో తనకున్న అనుబంధాన్ని పంచుకున్నారు. అయితే తాజాగా సినిమా ప్రీ రిలీజ్ ఫంక్షన్ పాల్గొన్న కాల భైరవ.. తన టార్గెట్ తారక్ అన్నారు. ఆయన సినిమాకు పని చేయడమే తన లక్ష్యం. అది అంత ఈజీ కాదు. ఒక్కో మెట్టు ఎక్కుతూ.. ఆ లక్ష్యాన్ని చేరుకుంటానని తెలిపారు. ప్రస్తుతం  ‘ఆకాశవాణి’, ‘లక్ష్య’, ‘గుర్తుందా శీతాకాలం’, ‘కార్తికేయ 2’ చిత్రాలతోపాటు మరో రెండు సినిమాలకు సంగీతం అందిస్తున్నట్టు తెలిపారు కాల భైరవ.