తమన్నా ‘లెవెన్త్‌ అవర్’ టీజర్ వచ్చేసింది
మిల్కీ బ్యూటీ తమన్నా పాత్రలో నటిస్తున్న ఓటీటీ చిత్రం ‘లెవన్త్ అవర్’. ప్రవీణ్ సత్తారు దర్శకుడు. ప్రదీప్‌ ఉప్పలపాటి నిర్మాత. ‘ఆహా’లో ఏప్రిల్ 9న విడుదల కానుంది. తాజాగా ఈ సినిమా టీజర్ ని విడుదల చేశారు. మగవాళ్ల వ్యాపార సామజ్యంలో ఒక మహిళ ప్రవేశించి వారిని దీటుగా ఎలా ఎదుర్కొందనేది చిత్ర నేపథ్యంగా టీజర్ చూస్తుంటే తెలుస్తోంది. ఇందులో తమన్నా ‘అరత్రికారెడ్డి’ అనే పాత్రలో కనిపించనుంది.
‘చక్రవ్యూహంలో చిక్కుకున్నప్పుడు దారి వెతికితే దొరకదు, సృష్టించుకోవాల్సి ఉంటుంది’అంటూ ఆమె చెబుతున్న డైలాగ్స్‌ కార్పోరేట్ వ్యాపార సామ్రాజ్యాల్లో ఉండే మైండ్‌గేమ్‌ సినిమాలా కనిపిస్తోంది. వంశీ కృష్ణ, అరుణ్‌ అదిత్‌, శత్రు,పవిత్రాలోకేష్‌, జయప్రకాశ్‌ ఇతర పాత్రల్లో కనిపించనున్నారు. ఇక తమన్నా నటిస్తున్న మరో తెలుగు సినిమా సీటీమార్. ఏప్రిల్ 2న విడుదల కావాల్సిన ఈ సినిమా వాయిదా పడింది.
