‘వకీల్ సాబ్’ టికెట్ ధర రూ.2వేలు.. వారం వరకు ఇంతే.. !!
సినిమా రిలీజైన మొదటి వారంలో టికెట్ రేట్లని పెంచుకొనే అవకాశం తెలంగాణ ప్రభుత్వం ఇచ్చిన సంగతి తెలిసిందే. దీంతో సంక్రాంతి సీజ‌న్‌లో టికెట్ ధరలు ఇష్టం వ‌చ్చిన‌ట్టు పెంచుకున్నారు. దండుకున్నారు. మరోసారి టికెట్ ధరలకు రెక్కలు రాబోతున్నాయి. పవర్ స్టార్ పవన్ కల్యాణ్ ‘వకీల్ సాబ్’ ఏప్రిల్ 9న ప్రేక్షకుల ముందుకు రానున్న సంగతి తెలిసిందే. చాలా గ్యాప్ తర్వాత పవన్ చేసిన సినిమా.. కావడంతో ఆయన ఫ్యాన్స్ కాచుక్కొని కూర్చున్నారు. దాన్ని క్యాష్ చేసుకొనే ప్లాన్ లో నిర్మాత దిల్ రాజు ఉన్నారు.
ఏప్రిల్ 9న వకీల్ సాబ్ రిలీజ్ అంటే.. ఏప్రి 8 సాయంత్రం నుంచి బెనిఫిట్ షోస్ పడనున్నాయి. ప్రత్యేకంగా ఫ్యాన్స్ కోసం స్పెషల్ షో కూడా ప్లాన్ చేశారు. ఈ షోకి టికెట్ ధరని రూ. 2వేలు నిర్ణయించినట్టు తెలుస్తోంది. ఆ తర్వాత షోస్ కి కూడా టికెట్ ధర రూ. 1500 ఉండనుందట. ఇక తొలివారం అంతా టికెట్ ధరలు రూ. 500, రూ. 200లకు తక్కువ కాకుండా ఉండనున్నాయట. అంటే.. సామాన్యుడు, పేదలు వకీల్ సాబ్ ని చూడాలంటే.. ఒకట్రెండు వారాలు ఓపిక పట్టాల్సిందే.
