రస్మిక బర్త్ డే గిఫ్ట్స్.. చూశారా ?
స్టార్ హీరోయిన్ రష్మిక మందన పుట్టినరోజు నేడు. ఈ సందర్భంగా ఆమెకు సన్నిహితులు, స్నేహితులు, అభిమానుల నుంచి శుభాకాంక్షలు వెలువెత్తుతున్నాయ్. ఇక రస్మిక నుంచి అభిమానులకి ఒకట్రెండు గిఫ్ట్స్ అందాయ్. ‘పుష్ప’ చిత్రబృందం ఓ స్పెషల్ పోస్టర్ ని విడుదల చేసింది. బర్త్ డే విషెస్ తెలిపింది. అయితే సినిమాలోని రస్మిక లుక్ తో కాకుండా.. వేరే లుక్ తో ఆమెని విషెస్ చెప్పడం విశేషం. ఇక ఆడవాళ్లు.. మీకు జోహార్లు చిత్రబృందం రస్మిక బర్త్ డే కానుకగా కొత్త పోస్టర్ ని వదిలింది.
ఇందులో పచ్చని చెట్ల మధ్య కూర్చొని బంతి పూలు గుచ్చుతోంది రస్మిక. చీరకట్టులో అందంగా కనిపిస్తోంది. శర్వానంద్-రస్మిక జంటగా ఈ సినిమా తెరకెక్కుతోన్న సంగతి తెలిసిందే. కిషోర్ తిరుమల దర్శకత్వం వహిస్తున్నారు. సీనియర్ హీరో విక్టరీ వెంకటేష్ కోసం కిషోర్ తిరుమల రాసుకొన్న కథ ఇది. కొన్ని కారణాల వలన ఈ సినిమాకి వెంకీ నో చెప్పేశారు. దీంతో.. శర్వాతో ఆడవాళ్లకి జోహార్లు కొట్టిస్తున్నారు.
