పవన్ స్పీచ్.. ట్రెండింగ్ నెం.1

పవర్ స్టార్ పవన్ కల్యాణ్ సినిమానే కాదు. ఆయన సినిమా ఫంక్షన్ కూడా ఓ సన్సేషన్ నే. ఓ పండగలా జరుగుతుంటుంది. ఆ విశేషాలు ఓ పదిరోజులైనా మరచిపోరు. సోషల్ మీడియాని దున్నేస్తాయ్. నిన్న (ఆదివారం) జరిగిన వకీల్ సాబ్ ప్రీ రిలీజ్ ఫంక్షన్ హీట్ ఇంకా చల్లారలేదు. అది సోషల్ మీడియాని దున్నేస్తోంది. ప్రీ రిలీజ్ ఫంక్షన్ స్పీచ్ లు ట్రెండింగ్ లో కొనసాగుతున్నాయ్. పవర్ స్టార్ స్పీచ్ ట్రెండింగ్ టాప్ లో కొనసాగుతోంది. 

ఇక పవన్ ఎప్పటిలాగే.. నిజాయతీతో తన స్పీచ్ ఇచ్చారు. అయితే సారి సుదీర్ఘంగా మాట్లాడారు. సినిమా ఎలా మొదలైంది. దానికి కారణం ఎవరు? ఎక్కడ బీజం పడింది.. ఇలా ప్రతి ఒక్కటి వివరించారు. సినిమాకు పని చేసిన వారికి పేరు పేరున కృతజ్ఝతలు తెలిపారు. పొలిటిక్స్ కూడా టచ్ చేశారు. అవినీతి చేయకూడదనే సినిమాలు చేస్తున్నా అన్నారు.

తనపై రాజకీయ విమర్శలు చేసే ప్రత్యర్థులపై వకీల్ సాబ్ సటైర్స్ వేశారు. ఇక అభిమానులు సీఎం.. సీఎం అంటూ నినాదాలు చేస్తే.. అది అనుకుంటే జరగదు. టైమ్ రావాలి అన్నట్టుగా మాట్లాడారు. సమాజానికి సేవ చేయడమే లక్ష్యం. ఆ దారిలో సీఎం పదవి వస్తే.. మంచిదే అన్నారు. మొత్తానికి.. నిన్నటి పవన్.. అభిమానులు, సినీ పరిశ్రమ కడుపునింపింది.