మేం ఎప్పుడూ ఇలాగే ఉంటాం.. ఇదెప్పుడూ మారదు : కోహ్లీ

రేపు జరగబోయే ఐపీఎల్‌ 14వ సీజన్ తొలి మ్యాచ్ లో ముంబయి ఇండియన్స్‌, రాయల్‌ ఛాలెంజర్స్‌ బెంగళూరు తలపడన్న సంగతి తెలిసిందే. ఈ నేపథ్యంలో కెప్టెన్‌ విరాట్‌ కోహ్లీ జట్టు సభ్యులతో మాట్లాడాడు. కొత్తగా ఈ ఏడాది జట్టులోకి వచ్చిన వారికి స్వాగతం పలుకుతూ వారి నుంచి తనకేం కావాలో వివరించాడు. 

‘గతంలో ఈ జట్టులో ఆడిన ఆటగాళ్ల నుంచి ఇక్కడెలా ఉంటుందో మీకు తెలిసే ఉంటుంది. ఈ వాతావరణం, ఈ జోష్‌ సీజన్ మొత్తం ఇలాగే ఉంటుంది. మేం ఎప్పుడూ ఇలాగే ఉంటాం. ఇదెప్పుడూ మారదు. నేను మీ నుంచి ఆశించేది ఒకేఒక్క విషయం. అదేమిటంటే.. మైదానంలోనే ఎక్కువ సమయం గడపడం. అది ప్రాక్టీస్ సెషన్స్ అయినా ప్రత్యేకంగా చెప్పనవసరం లేదు. మీరు సంపూర్ణ ఆసక్తి చూపిస్తారని నేను ఆశిస్తున్నా. ఇప్పుడు మిమ్మల్ని.. నేను, జట్టు యాజమాన్యం నమ్ముతోంది. ఆర్సీబీకి ఏం కావాలో అది సాధించడానికి మీరు కృషి చేస్తారని భావిస్తున్నాం.  సీజన్‌లో మనమంతా ఒక నమ్మకంతో ఉంటే కచ్చితంగా అద్భుతాలు సృష్టిస్తాం” అన్నారు.