వకీల్ సాబ్ కోసం బాలీవుడ్ ప్రచారం

టాలీవుడ్ లో ‘వకీల్ సాబ్’ పండగ మొదలైపోయింది. అది టాలీవుడ్ కి మాత్రమే పరిమితం కాలేదు. కోలీవుడ్, మాలీవుడ్.. బాలీవుడ్ లోనూ వకీల్ సాబ్ ఫీవర్ కనిపిస్తోంది. వకీల్ సాబ్ గా పవర్ స్టార్ పవన్ కల్యాణ్ ఫర్ ఫామెన్స్ చూడ్డానికి అందరూ ఆసక్తిగా ఎదురు చూస్తున్నారు. వాస్తవానికి పవన్ సినిమాకు ప్రచారం పెద్దగా అవసరం లేదు. ఆయన సినిమాకు కొబ్బరికొట్టగానే ప్రచారం పీక్స్ కి చేరుకుంటుంది. అప్పటి నుంచి సినిమా రిలీజ్ కోసం ప్రేక్షకులు, ఇండస్ట్రీ ఆసక్తిగా ఎదురు చూస్తుంటుంది. 

వకీల్ సాబ్ విషయంలోనూ అదే జరిగింది. అయితే వకీల్ సాబ్ కు బాలీవుడ్ లోనూ ప్రచారం జరగడం విశేషం. వకీల్ సాబ్ బాలీవుడ్ హిట్ పింక్ కి రిమేక్ అన్న విషయం తెలిసిందే. ఇందులో బిగ్ బీ అమితాబ్ చేసిన పాత్రలో పవన్ కనిపించబోతున్నారు. ఈ చిత్రానికి వేణు శ్రీరామ్ దర్శకత్వం వహించారు. బోనీ కపూర్ తో కలిసి దిల్ రాజు నిర్మించారు. ఈ నేపథ్యంలో వకీల్ సాబ్ కు బాలీవుడ్ లోనూ ప్రచారం కల్పిస్తున్నారు. బాలీవుడ్ స్టార్ హీరోయిన్ వకీల్ సాబ్ సినిమా చూడమని కోరుతూ.. ఓ వీడియో సందేశం విడుదల చేశారు.

ఆర్ఆర్ఆర్ సినిమాతో అలియా భట్ తెలుగు తెరకు పరిచయం కాబోతున్న సంగతి తెలిసిందే. ఆమెతోనే వకీల్ సాబ్ కు ప్రచారం చేయించారు. దీని వెకన రెండు కారణాలు ఉండొచ్చు. ఒకటి బాలీవుడ్ లోనూ వకీల్ సాబ్ పై అలర్ట్ ఇవ్వడానికి.. రెండోది. వకీల్ సాబ్ తో అలియా తెలుగు ప్రేక్షకులకి దగ్గరయ్యే అవకాశం ఉంది. అది ఆర్ ఆర్ ఆర్ సినిమా ప్రచారానికి ఉపయోగపడినట్టే.

#Gangubai @aliaa08 wishes Powerstar @PawanKalyan Garu &Team #VakeelSaab for the release. pic.twitter.com/ViZYx7yBBk— L.VENUGOPAL (@venupro) April 8, 2021