అతడు సీన్ లో.. సుధీర్-రష్మీ !
ప్రతి పండగకు ప్రత్యేక కార్యక్రమం ద్వారా తెలుగు ప్రేక్షకులను అలరిస్తోన్నంది ఈటీవీ ఛానెల్. ఈసారి తెలుగు సంవత్సరాది సందర్భంగా ‘ఉగాది జాతిరత్నాలు’ పేరుతో ప్రత్యేక కార్యక్రమాన్ని రూపొందించింది. దీనికి యువ కథానాయకుడు నాని, రీతూ వర్మ విచ్చేశారు. ఈ సందర్భంగా జబర్దస్త్‌ టీమ్‌ చేసిన సందడి నవ్వులు పంచుతోంది.
మంగ్లీ ఆలపించిన గీతాలు ప్రత్యేక ఆకర్షణగా నిలవగా, రాజ్యాంగా నిర్మాత డాక్టర్‌ బి.ఆర్‌.అంబేడ్కర్‌కు నివాళి అర్పిస్తూ, ఆయన పాత్రలో గాయకుడు మనో పలికించిన హావభావాలు మెప్పిస్తున్నాయి. ఇక ఈ కార్యక్రమంలో సుధీర్-రష్మీ ప్రత్యేక ఆకర్షణగా నిలవనున్నారు. మహేష్ ‘అతడు’ సినిమాలోని సూపర్ హిట్ సీన్ లో ఈ జంట నటించనుంది.
