తారక్-త్రివిక్రమ్ సినిమా.. ఓ ప్రచారం !
యంగ్ టైగర్ ఎన్టీఆర్ ప్రస్తుతం ‘ఆర్ఆర్ఆర్’ సినిమాతో బిజీగా ఉన్నారు. ఆయన తదుపరి సినిమా త్రివిక్రమ్ దర్శకత్వంలో ఉండనుంది. ఇప్పటికే అధికారిక ప్రకటన వచ్చేసింది. అయితే కరోనా విజృంభణతో టాలీవుడ్ లెక్కలు మొత్తం మారిన సంగతి తెలిసిందే. ఈ క్రమంలో తారక్-త్రివిక్రమ్ సినిమా లెక్కలు కూడా మారాయనే ఓ ప్రచారం జరుగుతోంది.
తారక్ కోసం రాసుకొన్న కథని త్రివిక్రమ్ మహేష్, రామ్ చరణ్ లకు కూడా పంపించారు. ఈ విషయం తారక్ కి తెలీదు. తారక్ కి ఈ విషయం తెలిసిన తర్వాత త్రివిక్రమ్ ఫీలయ్యాడనే ప్రచారం సోషల్ మీడియాలో జరుగుతోంది. అయితే ఇందులో నిజం లేకపోవచ్చు. మరోవైపు, ఇలాంటి ప్రచారాలని నేటితో ఎండ్ కార్డ్ పడనుంది. మరికొద్దిసేపట్లో తారక్-త్రివిక్రమ్ సినిమా అప్ డేట్ ఇవ్వనున్నారు.
ఇక త్రివిక్రమ్ సినిమా తర్వాత కేజీఎఫ్ దర్శకుడు ప్రశాంత్ నీల్ దర్శకత్వంలో తారక్ సినిమా ఉండనుంది. ఇప్పటికే ప్రశాంత్ నీల్ చెప్పిన కథని తారక్ ఓకే చేసినట్టు తెలుస్తోంది. తారక్ బర్త్ డే సందర్భంగా.. మీతో పని చేయడానికి ఆతృతగా ఎదురు చూస్తున్నానని ప్రశాంత్ నీల్ ట్విట్ చేసిన సంగతి తెలిసిందే.
