#IPL2021లో భాగంగా ఈరోజు బెంగళూరు రాయల్ ఛాలెంజర్స్, కోల్ కతా నైట్ రైడర్స్ మధ్య మ్యాచ్ జరగనుంది. గత ఏడాది ఐపీఎల్‌లో తలపడిన రెండు మ్యాచ్‌ల్లోనూ బెంగళూరు జట్టే విజేతగా నిలిచింది. ఈ సీజన్ లో అయితే ఆర్సీబీ దూకుడు మీదుంది. ఈ నేపథ్యంలో నేటి మ్యాచ్ లో ఆర్సీబీనే ఫేవరేట్. ఐతే.. ఐపీఎల్ అనేది సంచలనాలకు మారుపేరు విషయం తెలిసిందే. 

కెప్టెన్ కోహ్లీ మంచి ఫాంలో ఉన్నాడు.. డివిలియర్స్‌, మాక్స్‌వెల్‌ దంచికొడుతున్నారు.. పడిక్కల్‌ ఆడితే ఓపెనింగ్‌ కూడా బావుంటుంది. మరి ఇలాంటి బ్యాటింగ్‌ లైనప్‌ను కోల్‌కతా కూల్చేదెలా.. కమిన్స్‌, వరుణ్‌, ప్రసిద్ధ్, షకీబ్‌ ఎంత వరకు ఆపగలరన్నదే ప్రశ్న. అటు బెంగళూరు బౌలింగులో సిరాజ్‌, షాబాజ్‌ అహ్మద్‌, హర్షల్‌ పటేల్‌ రాణిస్తున్నారు. మరి కోల్‌కతా బ్యాటింగ్‌లో మోర్గాన్‌, రాణా, కార్తీక్‌, త్రిపాఠి ఏ మేరకు సత్తా చూపుతారో చూడాలి.