ఇంట్రడ్యూసింగ్‌ ‘పుష్పరాజ్.. ఆల్ టైమ్ రికార్డ్’
స్టయిలీష్ స్టార్ అల్లుఅర్జున్ ఇటీవల పట్టిందల్లా బంగారమే. గత యేడాది అల.. వైకుంఠపురంలో సినిమాతో బ్లాక్ బస్టర్ హిట్ అందుకున్నారు. ఈ సినిమా ఫస్ట్ లుక్.. ఫస్ట్ సాంగ్.. ఇలా వచ్చిన ప్రతిదీ రికార్డ్ కొట్టేసి కూర్చుంది. అల.. పాటలు, ఆటలు.. ఆఖరి సినిమా కూడా బ్లాక్ బస్టర్ హిట్ నే. మాములుగా కాదు.. రికార్డు హిట్టు. ఇప్పుడు.. ఆయన తాజా చిత్రం పుష్ప విషయంలోనూ అదే రిపీట్ అవుతోంది.
సుకుమార్-బన్నీ కాంబోలో తెరకెక్కుతోన్న హ్యాట్రిక్ చిత్రం ‘పుష్ప’. ఎర్ర చందనం అక్రమ రవాణా నేపథ్యంలో సాగే ఈ సినిమాలో అల్లు అర్జున్‌ పుష్పరాజ్ పాత్ర పోషిస్తున్నాడు. ఏప్రిల్‌ 7న బన్ని పుట్టినరోజు సందర్భంగా ఆయన పాత్రని పరిచయం చేస్తూ ఓ వీడియో పంచుకుంది చిత్ర బృందం. ‘ఇంట్రడ్యూసింగ్‌ పుష్పరాజ్’ పేరిట విడుదలైన ఈ వీడియో తాజాగా రికార్డు సృష్టించింది. అనతికాలంలో (తెలుగు పరిశ్రమకు సంబంధించి) 50 మిలియన్‌ వీక్షణలు సొంతం చేసుకున్న వీడియోగా నిలిచింది.
ఈ చిత్రంలో బన్ని సరసన రష్మిక నటిస్తోంది. ఫహద్‌ ఫాజిల్‌ ప్రతినాయకుడిగా కనిపించనున్నారు. ఈ చిత్రాన్ని మైత్రీ మూవీ మేకర్స్‌ సంస్థ నిర్మిస్తోంది. దేవీ శ్రీ ప్రసాద్‌ సంగీతం అందిస్తున్నారు.
