వారికి.. ఏడాదిలో ఎప్పుడైనా శ్రీవారి దర్శనం !

కరోనా వైరస్‌ వ్యాప్తి నేపథ్యంలో శ్రీవారి ప్రత్యేక ప్రవేశ దర్శనం పొందిన భక్తులకు టీటీడీ వెసులుబాటు కల్పించింది. దర్శనం తేదీని మార్చుకునే అవకాశాన్ని ఇచ్చింది. ఏప్రిల్‌ 21 నుంచి మే 31 వరకు టికెట్లు పొందిన వారికి తేదీ మార్చుకునేందుకు అవకాశమిచ్చింది.

ఒకసారి మాత్రమే తేదీ మార్చుకునేలా..ఏడాదిలో ఎప్పుడైనా స్వామివారిని దర్శించుకునేలా వెసులుబాటు కల్పించింది. ఇక రోజుకు 15వేల టికెట్లు అందుబాటులో ఉన్నా స్వామివారి దర్శనానికి 3వేలలోపే వస్తున్నారు.