కరోనా : దేశం కోలుకుంటోంది

దేశంలో కరోనా సెకండ్ వే ఉద్ధృతి మాత్రం కొనసాగుతోంది. ఐతే గడిచిన 24 గంటల్లో నమోదైన కొత్త కేసులు, మరణాల్లో స్వల్ప తగ్గుదల కనిపించింది. వరసగా రెండోరోజు కూడా కొత్త కేసులు కాస్త తగ్గాయి. నిన్న కొత్తగా 3,26,098 కేసులు, 3,890 మరణాలు నమోదయ్యాయి. మొత్తంగా 2.43కోట్ల మందికి వైరస్ సోకగా.. 2,66,207 మంది ప్రాణాలు కోల్పోయారు. 

రెండ్రోజుల నుంచి క్రియాశీల కేసులు తగ్గుముఖం పట్టాయి. కొత్త కేసుల కంటే రికవరీలే ఎక్కువగా ఉన్నాయి. ఈ గణాంకాలు ఒకింత ఊరటనిస్తున్నాయి. ప్రస్తుతం 36,73,802 మంది కరోనాతో బాధపడుతున్నారు. నిన్న ఒక్కరోజే 3,53,299 మంది కోలుకున్నారు. క్రియాశీల రేటు 15.41 శాతానికి చేరగా..రికవరీ రేటు 83.50 శాతంగా ఉంది.