OTT రిలీజ్’పై ఖిలాడీ క్లారిటీ

ఈ యేడాది ‘క్రాక్’తో బ్లాక్ బస్టర్ హిట్ కొట్టాడు మాస్ మహారాజా రవితేజ. ఈ హిట్ కిక్కులో ‘ఖిలాడీ’ సినిమా చేస్తున్నాడు. ఈ చిత్రానికి రవివర్మ దర్శకుడు. మీనాక్షి చౌదరి, డింపుల్‌ హయాతి హీరోయిన్లుగా నటిస్తున్నారు. యాక్షన్‌ కింగ్‌ అర్జున్‌ విలన్‌గా కనిపించనున్నాడు. బాలీవుడ్‌ నటుడు నికితిన్‌ ధీర్‌, యాంకర్‌ అనసూయ భరద్వాజ్‌ కీలక పాత్రలు పోషిస్తున్నారు.

కరోనా సెకండ్ వేవ్ లో మరోసారి థియేటర్స్ మూతపడిన సంగతి తెలిసిందే. ఈ నేపథ్యంలో ఖిలాడీ సినిమా నేరుగా ఓటీటీలో రిలీజ్ కానుందనే ప్రచారం జరుగుతోంది. అమెజాన్ ప్రైమ్ ఖిలాడీ విడుదల కానుంది. ఇందుకు సంబంధించిన చర్చలు నడుస్తాయనే ప్రచారం సోషల్ మీడియా వేదికగా జరుగుతోంది. ఈ నేపథ్యంలో ఓటీటీ రిలీజ్ పై ఖిలాడీ చిత్రబృందం క్లారిటీ ఇచ్చింది. సినిమా ఓటీటీలో రిలీజ్ చేయడం లేదు. నేరుగా థియేటర్స్ లోనే విడుదల చేస్తాం అని క్లారిటీ ఇచ్చింది. ఐతే అదెప్పుడు ? అన్నది మాత్రం చెప్పలేదు.