మెగాస్టార్ కోసం కొరటాల రెడీ చేసిన కథ ఇదే !
దర్శకుడు కొరటాల శివ చేసిన నాలుగు సినిమాలు బ్లాక్ బస్టర్ హిట్సే. మిర్చి, శ్రీమంతుడు, జనతా గ్యారేజ్, భరత్ అను నేను సినిమాలు ఒకదాన్ని మించి మరోకటి రికార్డులు సృష్టించాయి. ఓ సామాజిక అంశానికి కమర్షియల్ హంగులు అద్ది సినిమా తీయడం కొరటాల ప్రత్యేకత. ఇప్పుడీ దర్శకుడు మెగాస్టార్ చిరంజీవితో ఓ సినిమా చేయబోతున్నాడు. ప్రస్తుతం చిరు ‘సైరా’ సినిమాతో బిజీగా ఉన్నాడు. ఈ సినిమా తర్వాత కొరటాల సినిమాని సెట్స్ మీదకు తీసుకెళ్లనున్నాడు. ఈలోగా మెగాస్టార్ సినిమా కోసం పూర్తి స్క్రిప్టుని రెడీ చేసే పనిలో కొరటాల ఉండనున్నాడు.
తన సినిమాలో మెగాస్టార్ ని రైతుగా, బిలినీయర్ గా చూపించబోతున్నాడు కొరటాల. అంటే.. చిరు ద్విపాత్రాభినయం చేయబోతున్నాడు. ఇప్పటికే కొరటాల సినిమాలు శ్రీమంతుడు, భరత్ అను నేను నాన్ బాహుబలి రికార్డులన్నీ బద్దలు కొడుతూ వచ్చాయి. మెగాస్టార్ తో చేయబోయే సినిమా అంతకుమించి రికార్డులు సృష్టించడం ఖాయమనే టాక్ వినిపిస్తోంది.
ఈ సినిమాని వచ్చే యేడాది ఫిబ్రవరిలో సెట్స్ మీదకు తీసుకెళ్లనున్నారు. ఈ చిత్రాన్ని రామ్ చరణ్ నే నిర్మించనున్నాడు. మైత్రీ మూవీ మేకర్స్ తో కలిసి చరణ్ నిర్మిస్తాడని తెలుస్తోంది. ఈ యేడాది చివరికల్లా ఈ సినిమా పూర్తి వివరాలు బయటికిరానున్నాయి. ఈలోగా స్కిప్టుని పక్కాగా పూర్తి చేసి చిరుతో ఓకే చేయించుకొనే పనిలో కొరటాల ఉండబోతున్నాడు.
