కోహ్లీ-రోహిత్’లపై పాక్ బౌలర్ కామెంట్స్

రోహిత్ శర్మ కంటే విరాట్ కోహ్లీ టఫ్ అని పాకిస్థాన్‌ మాజీ పేసర్‌ మహ్మద్‌ ఆమిర్‌  అభిప్రాయపడ్దారు. బంతిని రెండువైపులా స్వింగ్‌ చేసి రోహిని పెవిలియన్‌కు పంపించొచ్చు. కానీ ఒత్తిడిలో అత్యుత్తమంగా ఆడతాడు కాబట్టి విరాట్‌ను ఔట్‌ చేయడం కాస్త కష్టమని ఆమిర్ అభిప్రాయపడ్డారు.

“వారిద్దరికీ బౌలింగ్‌ చేయడం కష్టమేం కాదు. నిజానికి రోహిత్‌ శర్మకు బౌలింగ్‌ చేయడం తేలిక. బంతిని రెండువైపులా స్వింగ్‌ చేస్తూ అతడిని ఔట్‌ చేయగలను. ఎడమచేతి వాటం పేసర్‌ విసరే ఇన్‌స్వింగర్లకు అతడు ఇబ్బంది పడతాడు. ముందుగానే బ్యాటు నుంచి దూరంగా వెళ్లే బంతులూ ఆడలేడు. ఒత్తిడిలో రాణిస్తాడు కాబట్టి విరాట్‌ను ఔట్‌ చేయడం కాస్త కష్టమని చెప్పొచ్చు. అయితే విరాట్‌, రోహిత్‌కు బౌలింగ్ చేయడం నాకైతే కఠినంగా అనిపించదు’ అని ఆమిర్‌ అన్నాడు.