రామ్ గోపాల్ వర్మ ఇంట్లో విషాదం
దర్శకుడు రామ్ గోపాల్ వర్మ ఇంట్లో విషాదం నెలకొంది. వర్మకు వరుసకు సోదరుడైన పి.సోమశేఖర్‌ కరోనాతో కన్నుమూశారు. సోమశేఖర్‌ పలు సినిమాలకు పనిచేశారు. దర్శకుడు కూడా. హిందీలో ‘ముస్కురాకే దేఖ్‌ జరా’ చిత్రానికి దర్శకత్వం వహించారు. రంగీలా, దౌడ్‌, సత్య, జంగిల్‌, కంపెనీ సినిమాలకు ప్రొడక్షన్‌ బాధ్యతలు నిర్వర్తించారు.తన జీవితంలో కీలకమైన వ్యక్తుల్లో సోమశేఖర్‌ ఒకరని, అతడిని చాలా మిస్‌ అవుతున్నానని ఆర్జీవీ చెప్తుండేవారు.
సోమశేఖర్‌ మృతిపై బాలీవుడ్‌ నిర్మాత బోనీ కపూర్‌ విచారం వ్యక్తం చేశారు. ఆయన తల్లి విషయంలో ఎన్నో జాగ్రత్తలు తీసుకునేవారని, కరోనా సోకిన తర్వాత కూడా తల్లి కోసం ఎంతో పరితపించేవాడన్నారు. తన తల్లిని కాపాడగలిగాడు గానీ.. తన ప్రాణాలు దక్కించుకోలేకపోయాడని బోనీ కపూర్‌ అన్నారు.
