సూపర్ స్టార్ ఫ్యాన్స్ కు నిరాశే

మే 31పై మహేష్ అభిమానులు గొప్పగా ఆశలు పెట్టుకున్నారు. ఆరోజు సీనియర్ సూపర్ స్టార్ కృష్ణ పుట్టినరోజు. ఈ సందర్భంగా మహేష్ తాజా చిత్రం ‘సర్కారు వారి పాట’ టీజర్ వస్తుందని ఆశపడ్డారు. అదీ వీలుకాకపోతే.. ఫస్ట్ లుక్ నైనా వదులుతారని భావించారు. కానీ వారి ఆశలపై నీళ్లు చల్లుతూ.. మే 31న ఎలాంటి అప్ డేట్ ఇవ్వడం లేదని మహేష్ బాబు టీమ్ ప్రకటించింది. 

“సమాజంలో ప్రస్తుతం ఉన్న పరిస్థితులను దృష్టిలో ఉంచుకుని.. తమ తదుపరి సినిమాకు సంబంధించిన అప్‌డేట్‌ ఇవ్వడానికి ఇది సరైన సమయం కాదని చిత్రబృందం భావించింది. సినిమా అప్‌డేట్‌ గురించి ఎవరూ కూడా అనధికారికంగా, అవాస్తవాలను దయచేసి సృష్టించవద్దు. సినిమాకు సంబంధించిన ఏ అప్‌డేట్‌నైనా అధికారిక ఖాతాల్లో తప్పకుండా పోస్ట్‌ చేస్తాం. అప్పటివరకూ దయచేసి జాగ్రత్తగా ఉండండి. సురక్షితంగా జీవించండి’ అని ట్విట్ చేసింది.