రాజీ తనకెంతో స్పెషల్‌ : సామ్
స్టార్ హీరోయిన్ సమంత నటించిన తొలి వెబ్ సిరీస్ ‘ది ఫ్యామిలీ మేన్‌-2’. ఈ సిరీస్ శుక్రవారం అమెజాన్‌ ప్రైమ్‌లో విడుదలైంది. పాజిటివ్ టాక్ తెచ్చుకొంది. ఇందులో సామ్ నటించిన రాజీ పాత్ర గురించి ప్రత్యేకంగా మాట్లాడుకుంటున్నారు. రాజీ పాత్రకు వస్తోన్న ప్రశంసల గురించి సమంత తాజాగా స్పందించారు. ‘ది ఫ్యామిలీ మేన్‌-2’ సిరీస్‌కు వస్తోన్న కామెంట్లు, రివ్యూలు చూసి నా మనసంతా సంతోషంతో నిండిపోయింది అన్నారు.
‘ఈ సిరీస్‌లో నేను పోషించిన రాజీ పాత్ర నాకెప్పటికీ ఎంతో స్పెషల్‌. ఈ సిరీస్ గురించి దర్శకులు రాజ్‌ అండ్‌ డీకే నన్ను సంప్రదించినప్పుడు.. రాజీ పాత్ర పోషించడానికి సెన్సిటివిటీ, బ్యాలెన్స్ ఎంతో అవసరమనుకున్నాను. ఈలం యుద్ధంలో తమిళుల పోరాటాలు.. ముఖ్యంగా మహిళల ఎదుర్కొన్న ఇబ్బందుల గురించి తెలియజేసే కొన్ని డాక్యూమెంటరీలను క్రియేటివ్‌ టీమ్‌ నాకు పంపించింది. వాటిని చూసి నేను భయపడ్డా. వాళ్ల కష్టాలు, కన్నీటి గాథలను చూసి బాధపడ్డాను. రాజీ కథ, కల్పితమైనప్పటికీ, అసమాన యుద్ధం కారణంగా మరణించినవారికి, ఆ బాధాకరమైన జ్ఞాపకాల్లో జీవిస్తున్న వారికి ఇది ఒక నివాళి’ అన్నారు సామ్.
