ఓల్డ్ ఈజ్ గోల్డ్ అంటున్న దీదీ
తృణమూల్‌ కాంగ్రెస్‌ అధినేత్రి, పశ్చిమ బెంగాల్‌ ముఖ్యమంత్రి మమతా బెనర్జీ ఓల్డ్ ఈజ్ గోల్డ్ అంటున్నారు. కానీ ఓ కండిషన్ పెడుతున్నారు. అసెంబ్లీ ఎన్నికలకు ముందు పార్టీని వీడి ముకుల్‌ రాయ్‌ తిరిగి సొంత గూటికి చేరుకున్నారు. శుక్రవారం సాయంత్రం మమతా బెనర్జీ సమక్షంలోనే పార్టీలో చేరారు.
ఈ సందర్భంగా మాట్లాడిన దీదీ.. ముకుల్‌ను తమ పాత కుటుంబ సభ్యుడే. ఓల్డ్ ఈజ్ గోల్డ్ అన్నారు. భాజపాను వీడి ముకుల్‌ రాయ్‌ తిరిగి తమ పార్టీలోకి రావడం.. మరింత మంది కూడా వస్తారనేందుకు ఓ సంకేతమన్నారు. పార్టీని వీడిన అనంతరం తమ పట్ల పరుష పదజాలంతో దూషించిన వారిని మాత్రం తీసుకొనే ప్రసక్తే లేదన్నారు. సౌమ్యంగా వ్యవహరించిన వారిని మాత్రం తీసుకొనే విషయాన్ని పరిశీలిస్తామని దీదీ చెప్పారు.
