భారీగా తగ్గిన కరోనా కేసులు

దేశంలో కరోనా సెకండ్ వేవ్ ఉద్ధృతి తగ్గుముఖం పడుతోంది. గడిచిన 24 గంటల వ్యవధిలో దేశంలో 70,421 కేసులు నమోదయ్యాయ్. సుమారు 75 రోజుల తర్వాత ఈ స్థాయి తగ్గుదల కనిపించింది. అయితే మరణాల సంఖ్యలో మాత్రం క్రితం రోజుతో పోల్చితే పెరుగుదల కనిపించింది.

నిన్న 3,921 మంది మృతి చెందారు. ప్రస్తుతం మొత్తం కేసులు 2.95కోట్లకు పైబడగా..3,74,305 మంది ప్రాణాలు కోల్పోయారు. ఇక క్రియాశీల కేసులు 10లక్షల దిగువకు పడిపోగా..రికవరీలు 2.81కోట్లకు పైబడ్డాయి. నిన్న ఒక్కరోజే 1,19,501 మంది కరోనా నుంచి కోలుకున్నారు. రికవరీ రేటు 95.43 శాతానికి పెరగగా..క్రియాశీల రేటు 3.30 శాతానికి తగ్గింది.