ఈటెల కమల తీర్థం నేడే

మాజీ మంత్రి ఈటల రాజేందర్‌ ఈరోజు భాజాపాలో చేరనున్నారు. ఉదయం 11 గంటల తర్వాత ఈటెల, ఇతర నేతలు తెలంగాణ భాజపా జాతీయ కార్యాలయంలో భాజాపా సభ్యత్వం తీసుకుని.. అనంతరం పార్టీ జాతీయ అధ్యక్షుడు జేపీ నడ్డాను కలవనున్నట్లు సమాచారం. ఈటెల బృందం ఢిల్లీ వెళ్లడానికి ప్రత్యేక విమానం ఏర్పాటు చేశారు. 

ఈ కార్యక్రమంలో కేంద్ర హోంశాఖ సహాయ మంత్రి జి.కిషన్‌రెడ్డి, బండి సంజయ్‌, ఇతర నేతలు పాల్గొననున్నారు. ఈటల రాజేందర్‌ 15న దిల్లీ నుంచి హైదరాబాద్‌ తిరిగిరానున్నారు. అనంతరం భాజపా రాష్ట్ర కార్యాలయానికి వెళ్లనున్నారు. అసైన్డ్ భూముల ఆక్రమణ నేపథ్యంలో ఈటెలని మంత్రి పదవి నుంచి బర్తరఫ్ చేసిన సంగతి తెలిసిందే. ఆ తర్వాత నెలకొన్న పరిణామాల నేపథ్యంలో ఈటెల ఎమ్మెల్యే పదవి, తెరాసకు రాజీనామా చేశారు. అభిమానులు, సొంత నియోజకవర్గ నేతలతో చర్చించిన తర్వాత భాజాపాలో చేరాలని నిర్ణయించుకున్నారు.