అంధుడిగా బన్నీ

ఐకాన్ స్టార్ అల్లు అర్జున్ ప్రస్తుతం ‘పుష్ప’ సినిమాతో బిజీగా ఉన్నారు. సుకుమార్-బన్నీల కాంబోలో వస్తున్న హ్యాట్రిక్ చిత్రమిది. ఎర్రచందనం స్మగ్లింగ్ నేపథ్యంలో తెరకెక్కుతోంది. ఇందులో పుష్పరాజ్ అనే లారీ డ్రైవర్ పాత్రలో బన్నీ కనిపించనున్నారు. ఆయనకు జంటగా రష్మిక మందన నటిస్తున్నారు. పాన్ ఇండియా సినిమాగా రెండు పార్టులుగా పుష్ప ప్రేక్షకుల ముందుకు రానుంది. 2021లో పుష్ప పార్ట్ 1, 2024లో పార్ట్ 2 వస్తాయని చెప్పుకుంటున్నారు. దీనిపై ఇంకా క్లారిటీ రావాల్సి ఉంది.

ఇక పుష్ప తర్వాత బన్నీ ‘ఐకాన్’ సినిమా చేయనున్నారు. వేణు శ్రీరామ్ దర్శకత్వంలో తెరకెక్కనుంది. దిల్ రాజు నిర్మాత. ‘ఐకాన్’ అనేది టైటిల్. ‘కనబడుట లేదు’ అనేది ట్యాగ్ లైన్. అయితే సినిమాలో బన్నీకి నిజంగానే కళ్లు కనిపించవట. ఆయనది అంధుడి పాత్రని తెలిసింది. గుడ్డివాడి పాత్రలో బన్నీ ప్రయోగం చేయనున్నాడు అన్నమాట. రాజా ది గ్రేట్ లో రవితేజ అంధుడి పాత్రలో కనిపించి మెప్పించారు. కళ్లు కనిపించవు అనే సింపతి లేకుండా ఆ పాత్రని చాలా పవర్ ఫుల్ గా తీర్చిదిద్దాడు దర్శకుడు అనిల్ రావిపూడి. ఐకాన్ లోనూ బన్నీ పాత్ర అలాగే ఉంటుంది. కాకపోతే చాలా స్టయిలీష్ గా ఉంటుందని చెబుతున్నారు.