టాలీవుడ్ లో మరో విషాదం

కరోనా సెకండ్ వేవ్ సినీ పరిశ్రమకు తీరని శోకాన్ని మిగిల్చింది. పలువురు సినీ ప్రముఖులు కరోనాకి బలయ్యారు. ఇప్పుడు కరోనా తగ్గుముఖం పట్టడంతో సినీ జనాలు ఊపిరిపీల్చుకున్నారు. అయితే రోడ్డు ప్రమాదం రూపంలో టాలీవుడ్ లో తాజాగా మరో విషాదం నెలకొంది. రోడ్డు ప్రమాదంలో గాయపడిన సినీ సహాయ దర్శకుడు టి.కరణ్‌రాజ్‌(55) ఆసుపత్రిలో చికిత్స పొందుతూ సోమవారం మృతి చెందారు. 

చిలకపచ్చ కాపురం, బొమ్మన బ్రదర్స్‌ చందన సిస్టర్స్‌ సినిమాలకు కరణ్ రాజ్ అసిస్టెంట్‌ డైరెక్టర్‌గా పని చేశారు. “ఇదో ప్రేమ లోకం” సినిమాకు దర్శకత్వం వహించారు. గౌలిపురా గాంధీబొమ్మ ప్రాంతానికి చెందిన  కరణ్‌రాజ్‌..  ఈనెల 16న కూరగాయలు తీసుకురావడానికి ఉప్పుగూడ ప్రాంతానికి వెళ్లాడు.

మంగళముఖి హనుమాన్‌ దేవాలయం వెనుక రోడ్డులో నడుచుకుంటూ వస్తుండగా స్కార్పియో వాహనం దూసుకొచ్చి ఢీకొట్టింది. తీవ్రంగా గాయపడిన కరణ్‌రాజ్‌ను ఉస్మానియా హాస్పటల్ లో చికిత్స పొందుతూ మృతి చెందారు. కరణ్ రాజ్ మృతిపట్ల పలువురు సినీ ప్రముఖులు సంతాపం తెలియజేశారు.