90 రోజుల కనిష్టానికి కరోనా కేసులు

కరోనా సెకండ్ వేవ్ నుంచి దేశం భయటపడుతోంది. కరోనా తగ్గుముఖం పడుతోంది. గడిచిన 24 గంటల్లో దేశంలో 42,640 కొత్త కేసులు నమోదయ్యాయి. సుమారు 91 రోజుల తర్వాత తొలిసారి రోజువారీ కేసులు 50వేల దిగువకు చేరాయి. కరోనా మరణాలు కూడా భారీగా తగ్గాయి. తాజాగా 1,167 మంది మృత్యుఒడికి చేరుకున్నారు.

తాజా కేసులతో కలిపి మొత్తం కేసుల సంఖ్య 2,99,77,861 కి చేరింది. అలాగే ఇందులో 2,89,26,038 మంది కరోనా నుంచి కోలుకున్నారు. ఇక ప్రస్తుతం దేశంలో 6,62,521 యాక్టీవ్‌ కేసులు ఉన్నాయి. మొత్తం మృతుల సంఖ్య 3,89,302 చేరింది. అలాగే గడిచిన 24 గంటల్లో 81,839 మంది కోలుకొని డిశ్చార్జ్ అయ్యారు.