సోహైల్-అనిల్ మీటింగ్.. ఏంటీ కథ ?

‘కథ వేరే ఉంటది’ అంటూ బిగ్ బాస్ హౌస్ లో కేక పుట్టించాడు సోహైల్. ఆ డైలాగ్, అతడి మేనరిజం ఏకంగా మెగాస్టార్ చిరంజీవినే ఆకట్టుకుంది. బిగ్ బాస్ 4 గ్రాండ్ ఫినాలేకు ముఖ్య అతిథిగా హాజరైన చిరు.. సోహైల్ ని ప్రత్యేకంగా అభినందించాడు. హీరోగా సోహైల్ చేసే తొలి సినిమాకుకు సపోర్ట్ చేస్తా. అవసరమైతే ఆ సినిమాలో గెస్ట్ రోల్ చేయడానికి కూడా రెడీ అన్నాడు. ఇక బిగ్ బాస్ ఇంట్లోకి వచ్చిన దర్శకుడు అనిల్ రావిపూడి.. కూడా సోహైల్ తో బాగా కనెక్ట్ అయ్యాడు. తన సినిమాలో అవకాశం ఇస్తానని హామీ ఇచ్చాడు.

ఇప్పుడు సోహైల్-అనిల్ కలిసాడు. ఆ ఫోటోని సోహైల్ తన ఇన్ స్ట్రా గ్రాములో షేర్ చేశాడు. ఇద్దరి మధ్య కొద్ది సేపు డిస్కషన్ జరిగింది. ఇది సినిమాకు సంబంధించినది కాదని చెప్పుకొచ్చాడు సోహైల్‌. జీరో యాటిట్యూడ్, ఎంతో మంచి మనిషి, ఎంతో ఇంటెలిజెంట్ అయిన యంగ్ అండ్ డైనమిక్ డైరెక్టర్ అనిల్ రావిపూడిని కలిసే చాన్స్ వచ్చింది . సాధారణంగా కలిసాను. బిగ్ బాస్ రోజులు గుర్తు తెచ్చుకున్నాం. ఆయన కొన్ని సలహాలు ఇచ్చారు. ఎప్పటికీ గుర్తుంచుకుంటాను.విలువైన సమయాన్ని నాకు కేటాయించినందుకు థ్యాంక్స్ అని రాసుకొచ్చారు.

టాలీవుడ్  టాప్ దర్శకుల్లో అనిల్ రావిపూడి ఒకరు. ఆయనకి ఇప్పటి వరకు అపజయం అన్నదే లేదు. పటాస్ నుంచి సరిలేరు నీకెవ్వరు వరకు అన్నీ హిట్స్. ప్రస్తుతం ఆయన ఎఫ్ 3 సినిమాతో బిజీగా ఉన్నారు. ఆ తర్వాత సూపర్ స్టార్ మహేష్ తో మరో సినిమా చేయనున్నారు. అయితే ఓ చిన్ని సినిమా చేయాలని అనిల్ కు ఎప్పటి నుంచో ఉంది. ఇదో ప్రయోగం అనే వార్తలు వినిపించాయి. బహుశా.. ఆ సినిమా కోసం సోహైల్ ని హీరోగా అనుకుంటున్నాడా ? అందుకే ఈ మీటింగ్ నా ?? అన్నది తెలియాల్సి ఉంది.