కారు ప్రమాదంలో కత్తి మహేశ్‌కు గాయాలు !
సినీ, రాజకీయ విశ్లేషకుడు, నటుడు కత్తి మహేష్ కు గాయలయ్యాయ్. నెల్లూరు జిల్లా కొడవలూరు మండలం చంద్రశేఖరపురం వద్ద జరిగిన రోడ్డు ప్రమాదంలో మహేశ్‌కు స్వల్ప గాయాలయ్యాయి. జాతీయరహదారిపై లారీని మహేశ్‌ కారు ఢీ కొట్టడంతో ఈ ఘటన చోటు చేసుకుంది. నెల్లూరులోని ఓ ఆస్పత్రికి తరలించి చికిత్స అందిస్తున్నారు. పూర్తి వివరాలు తెలియాల్సి ఉంది.
వివాదాస్పద నటుడిగా మహేష్ కు పేరుంది. ఆయన గతంలో హిందుత్వంపై వివాదాస్పద వ్యాఖ్యలు చేసి.. నగర బహిష్కరణ ఎదుర్కొన్నారు. ఇక పవర్ స్టార్ పవన్ కల్యాణ్ మహేష్ కు మధ్య గతంలో సోషల్ మీడియా వేదికగా పెద్దగా జరిగింది. వరుస సినిమాలతో కాకపోయినా.. అడపాదడపా సినిమాల్లో మహేష్ కనిపిస్తున్నారు.
