ప్రభాస్-పూజా.. పాటేసుకొన్నారు !

రాధాకృష్ణ కుమార్ దర్శకత్వంలో ప్రభాస్-పూజా హెగ్డే జంటగా నటిస్తున్న చిత్రం “రాధేశ్యామ్”. ఈ సినిమా ఆఖరి షెడ్యూల్ హైదరాబాద్ లో శుక్రవారం ప్రారంభం అయింది. దాదాపు 10రోజుల పాటు ఈ షెడ్యూల్ కొనసాగనుంది. మొదటి రోజు ప్రభాస్-పూజాహెగ్డే మధ్య కొన్ని సన్నివేశాలు తీశారు. శని, ఆది వారాలు కూడా ప్యాచ్ వర్క్ కు చేయనున్నారు.

ఇక సోమవారం నుంచి ఆఖరి పాటని చిత్రీకరించనున్నారు. ఆ పాట షూటింగ్ తో రాధేశ్యామ్ టోటల్ షూటింగ్ పూర్తవుతుంది. ఈ సినిమా కోసం అన్నపూర్ణ స్టుడియోస్ లో ఇటలీ రైల్వేస్టేషన్ ను తలపించే సెట్ వేసిన సంగతి తెలిసిందే. రీసెంట్ గా ఈ సెట్ ఫొటోలు సోషల్ మీడియాలో వైరల్ అయ్యాయి కూడా.

ఈ సినిమాలో చేయి చూసి జాతకాలు చెప్పే విక్రమాదిత్య పాత్రలో ప్రభాస్ కనిపించబోతున్నాడు. ఇతడు జాతకం చెబితే అది అక్షరాలా నిజమౌతుంది. ఇక ప్రేరణ అనే డాక్టర్ పాత్రలో పూజా హెగ్డే కనిపించబోతోంది.