T20 worldcup దుబాయ్ కి షిఫ్ట్
కరోనా విజృంభణతో IPL2021 అర్థంతరంగా ఆగిపోయింది. మిగిలిన మ్యాచ్ లను దుబాయ్ లో నిర్వహించాలనే డిమాండ్ వినిపిస్తోంది. దీనిపై బీసీసీఐ ఇంకా నిర్ణయం తీసుకోలేదు. ఇక త్వరలో భారత్ లో జరగాల్సిన టీ20 ప్రపంచకప్‌ వేదికను దుబాయ్‌కి మార్చే అవకాశాలున్నాయని బీసీసీఐ కార్యదర్శి జై షా ప్రకటించారు. భారత్‌లో కరోనా వ్యాప్తి వల్ల వేదికను దుబాయ్‌కి మార్చే అవకాశాలపై పరిశీలిస్తున్నట్లు షా తెలిపారు.
దేశంలో కరోనా సెకండ్ వేవ్ తగ్గుముఖం పట్టింది. అయితే డెల్టా వేరియెంట్ వేగంగా విస్తరిస్తోంది. ఇప్పటికే దేశంలో 51 డెల్టా కేసులు నమోదయ్యాయ్. పలు రాష్ట్ర ప్రభుత్వాలు మరోసారి కఠిన నిబంధనలని అమలు చేసేందుకు రెడీ అవుతున్నారు. ఈ నేపథ్యంలో ఆటగాళ్ల ఆరోగ్యం, భద్రత ఎంతో ముఖ్యమని.. బీసీసీఐ భావిస్తోంది. అందుకే వేదికని దుబాయ్ కి మార్చే ఆలోచనలో ఉంది. టీ-20 ప్రపంచకప్‌ వేదిక మార్పుపై త్వరలోనే అధికారిక నిర్ణయం ప్రకటిస్తామని షా తెలిపారు. అక్టోబర్ 17 నుంచి టీ20 వరల్డ్ కప్ ప్రారంభం కానుంది.
