క్యాలీఫ్లవర్ సాక్షిగా.. సంపూ నగ్న ప్రదర్శన !
బర్నింగ్ స్టార్ సంపూర్నేష్ బాబు కూడా రూట్ మార్చాడు. డైలాగ్స్ తో పని కావడం లేదని గ్లామర్ షోకి తెరలేపాడు. సంపూ తన సినిమా ప్రమోషన్స్ ని డైలాగ్స్ తో మొదలెట్టేవాడు. భారీ డైలాగ్స్, పంచ్ డైలాగ్స్ ని తనదైన శైలిలో చెప్పి.. సినిమాపై హైప్ పెంచేవారు. అయితే ఈసారి ఆయన రూటు మార్చి గ్లామర్ షో చేసాడు. ఏకంగా నగ్న ప్రదర్శన చేశాడు.
సంపూ కొత్త చిత్రం “క్యాలీఫ్లవర్”. ఆర్కె మలినేని దర్శకత్వం వహిస్తున్నారు. తాజాగా ఈ సినిమాకు సంబంధించిన మరో కొత్త పోస్టర్ ను చిత్ర యూనిట్ రిలీజ్ చేసింది. ఆ పోస్టర్ లో శాసనసభ ఎదుట నగ్నంగా క్యాలీఫ్లవర్ సాక్షిగా ‘శీలో రక్షితి రక్షితః అనే క్యాప్షన్’తో సంపూర్ణేష్ బాబు నిలుచుకున్నాడు. ఈ ఫోటోలో సంపూ కేవలం క్యాలీఫ్లవర్ ని అడ్డుగా పెట్టుకొని.. నగ్నంగా నిలిచోవటం హైలెట్. ఈ పిక్ చూసిన నెటిజన్స్.. క్యాలీఫ్లవర్ పేరు చెబితేనే.. వాంతుకొచ్చెలా చేశాడని కామెంట్స్ పెడుతున్నారు.
