‘పుష్ప’ షూటింగ్ మళ్లీ మొదలు

సుకుమార్-అల్లు అర్జున్ కాంబోలో తెరకెక్కుతోన్న హ్యాట్రిక్ చిత్రం ‘పుష్ప’. లాక్‌డౌన్‌ కారణంగా వాయిదా పడిన ఈ సినిమా చిత్రీకరణ మంగళవారం పునఃప్రారంభమైంది. ప్రస్తుతం సికింద్రాబాద్‌లో షూటింగ్‌ జరుగుతోంది. ఇక్కడ లాంగ్ షెడ్యూల్ ని ప్లాన్ చేసినట్టు తెలిసింది. ఈ సినిమాని రెండు పార్టులుగా తీసుకొస్తున్న సంగతి తెలిసిందే. మరో 45 రోజుల్లో మొదటి పార్ట్ షూటింగ్ మొత్తం పూర్తి కానున్నట్టు తెలుస్తోంది.

ఎర్రచందనం స్మగ్లింగ్ నేపథ్యంలో ‘పుష్ప’ తెరకెక్కుతోంది. ఈ సినిమాలో అల్లు అర్జున్‌ పుష్పరాజ్‌గా కనిపించనున్నారు. రష్మిక నాయిక. మలయాళీ నటుడు ఫాహద్‌ ఫాజిల్‌ ప్రతినాయకుడి పాత్ర పోషిస్తున్నారు. ఈ చిత్రానికి దేవి శ్రీ ప్రసాద్‌ సంగీతం అందిస్తున్నారు. మైత్రీ మూవీస్ నిర్మిస్తోంది.