చాలా గ్యాప్ తర్వాత తాప్సీ మళ్లీ తెలుగులో.. !
టాలీవుడ్ లో తాప్సీకి కలిసిరాలేదు. కానీ బాలీవుడ్ లో మాత్రం బాగానే రాణిస్తోంది. అక్కడ వైవిధ్యమైన సినిమాలతో తనకంటూ ఓ ప్రత్యేకమైన గుర్తింపు తెచ్చకుంది. అక్కడ బిజీగా ఉన్నా.. అప్పుడప్పుడు తెలుగు సినిమాల్లోనూ మెరుస్తోంది. తాప్సీ నటించిన ఆఖరి తెలుగు సినిమా ‘ఆనందోబ్రహ్మ’. లెటెస్ట్ గా ఓ తెలుగుసినిమా కోసం తాప్సీ టాలీవుడ్ లో అడుగు పెట్టింది.
మాట్నీ ఎంటర్ టైన్ మెంట్ సంస్థ నిర్మించే “మిషన్ ఇంపాజిబుల్” సినిమా సెట్ మీదకు తాప్సీ వచ్చింది. గతంలో ఏజెంట్ సాయి శ్రీనివాస్ ఆత్రేయ సినిమాను అందించిన స్వరూప్ అందిస్తున్న సినిమా ఇది. సరైన సబ్జెక్ట్ దొరికితే తెలుగులోనూ వరుస సినిమాలు చేస్తానని తాప్సీ అంటోంది. ఓ వైవిధ్యమైన సబ్జెక్ట్ తో మిషన్ ఇంపాజిబుల్ తెరకెక్కుతోందని చెబుతున్నారు.
