టీపీసీసీపై తిరుగుబాటు..!? రాహుల్ తో చ‌ర్చ‌కు టీకాంగ్రెస్ నేత‌లు..!!

టీపీసీసీ చీఫ్ ఉత్త‌మ్ కుమార్ రెడ్డి వ్య‌వ‌హార శైలిపై తెలంగాణ కాంగ్రెస్ నేత‌లు విభేదిస్తున్నారు. మూడు రోజుల ఢిల్లీ ప‌ర్య‌ట‌న‌లో పార్టీ ప‌ద‌వుల‌కు సంబంధించి ఉత్త‌మ్ తయారు చేసిన లిస్టే ఈ విభేధాల‌కు కార‌ణంగా తెలుస్తోంది. ఈ విష‌యంపై ఇప్పికే భ‌ట్టి విక్ర‌మార్క నేతృత్వంలో సీఎల్పీలో ప‌లువురు కాంగ్రెస్ నేత‌లు స‌మావేశ‌మై చ‌ర్చించుకున్నారు.

తెలంగాణ కాంగ్రెస్ నేత‌లు ప‌లువురు పెద్ద సంఖ్య‌లో ఢిల్లీకి వెళ్లారు. రాహుల్ ను క‌లిసి పుట్టిన రోజు శుభాకాంక్ష‌లు తెలిపారు. రేపు ఉద‌యం రాహుల్ గాంధీతో టీ కాంగ్రెస్ నేత‌లు స‌మావేశం కానున్నారు. ఉద‌యం 10.15కు రాహుల్ అపాయింట్ మెంట్ ఇచ్చిన‌ట్లుగా తెలుస్తోంది. రాష్ట్రంలో రాజ‌కీయ ప‌రిస్థితులు వివ‌రించ‌డంతో పాటు, పీసీసీ చీఫ్ పై ఫిర్యాదు చేసేందుకు నేత‌లు ఢిల్లీకి వెళ్లిన‌ట్లుగా పార్టీలో చర్చ జ‌రుగుతోంది.