అర్హ ప్రధాన పాత్రలో దిల్ రాజు సినిమా

స్టయిలీష్ స్టార్ అల్లు అర్జున్ తన ఇద్దరు పిల్లలు అయాన్, అర్హలని ఇప్పటికే తెరకు పరిచయం చేశారు. ‘అల.. వైకుంఠపురంలో’ సినిమాలో ‘ఓ వై గాడ్ డాడీ.. ‘ సాంగ్ లో మెరిశారు. ఇక అర్హకు సంబంధించి ఫోటోలు, వీడియోలను స్నేహరెడ్డి, బన్నీ ఎప్పటికప్పుడు సోషల్‌ మీడియాలో షేర్‌ చేస్తూ అభిమానులను అలరిస్తుంటారు. దీంతో నాలుగేళ్ల వయసులోనే అర్హ బోలెడంత పాపులారిటీని సంపాదించుకుంది. ఇప్పుడు  చిన్నారి సిల్వర్ స్క్రీన్‌పై కనిపించనున్నట్లు సమాచారం. 

దిల్‌రాజు నిర్మిస్తున్న ఈ సినిమాలో అర్హ ప్రధాన పాత్రలో కనిపించనుందట. ఈ కథకు అర్హ అయితే సరిగ్గా సరిపోతుందని మేకర్స్‌ భావించారట. దీంతో అల్లు ఫ్యామిలీని దిల్‌రాజు ఇప్పటికే సంప్రదించినట్లు తెలుస్తోంది. దీంతో త్వరలోనే అర్హ టాలీవుడ్‌కు పరిచయం అవబోతుందంటూ ఓ వార్త సోషల్‌ మీడియాలో చక్కర్లు కొడుతుంది. దీనిపై అధికారిక ప్రకటన రావాల్సి ఉంది.