టీఆర్ఎస్ లో చేరిన ఎల్ రమణ

తెలంగాణ తెదేపా మాజీ అధ్యక్షుడు ఎల్‌.రమణ తెరాసలో చేరారు. తెలంగాణభవన్‌లో మంత్రి కేటీఆర్‌ సమక్షంలో గులాబీ తీర్థం పుచ్చుకున్నారు. ఈ సందర్భంగా కేటీఆర్‌ ఆయనకు తెరాస ప్రాథమిక సభ్యత్వాన్నిఅందజేశారు. ఈనెల 16న సీఎం కేసీఆర్‌ సమక్షంలో నిర్వహించే సభలో ఎల్‌.రమణ గులాబీ కండువాను కప్పుకోనున్నారు.

గత నెలరోజులుగా ఎల్ రమణ తెరాసలో చేరబోతున్నారు అనే ప్రచారం జరిగింది. ఇటీవలే రమణ సీఎం కేసీఆర్ తో సమావేశం అయ్యారు. వెంటనే తెరాసలో చేరుతున్నట్టు ప్రకటించారు. తెదేపాతో ఉన్న 30యేళ్ల బంధాన్ని తెంచుకున్నారు. తెలంగాణ తెదేపా అధ్యక్ష పదవికి రాజీనామా చేశారు. సీఎం కేసీఆర్ సమక్షంలో ఎల్ రమణ చేరిక ఉంటుందని అనుకున్నారు. కానీ మంత్రి కేటీఆర్ సమక్షంలోనే కానిచ్చేశారు. గులాబి కండువ మాత్రం కేసీఆర్ చేతుల మీదుగా వేసుకోనున్నారు.