తెలంగాణ టీడీపీ కొత్త అధ్యక్షుడిగా రావుల ?

తెలంగాణ టీడీపీ అధ్యక్ష పదవికి ఎల్ రమణ రాజీనామా చేశారు. ఈరోజు మంత్రి కేటీఆర్ సమక్షంలో తెరాసలో చేరారు. ఈ నేపథ్యంలో తెలంగాణ టీడీపీ కొత్త అధ్యక్షుడు ఎవరు ? అనే చర్చ మొదలైంది. పోటీలో నలుగురు ఐదుగురు ఉన్నా.. రావుల చంద్రశేఖర్‌రెడ్డి పేరు బలంగా వినిపిస్తోంది. రావుల సీనియర్ నేత. పైగా చంద్రబాబుకు సన్నిహితుడు, స్నేహితుడు.

ఇటీవల పార్టీ ఉపాధ్యక్షులు, ప్రధాన కార్యదర్శులు, అధికార ప్రతినిధులతో చంద్రబాబు వర్చువల్ సమావేశాలు జరిపి అభిప్రాయాలు సేకరించారు. మెజార్టీ నేతలు రావుల చంద్రశేఖర్ రెడ్డి పేరు సూచించినట్లు సమాచారం. ఈ నేపథ్యంలో టీ-టీడీపీ కొత్త అధ్యక్షుడిగా రావుల పేరు దాదాపు ఖాయమైనట్టేనని చెబుతున్నారు. అయితే ప్రస్తుతం తెలంగాణలో కొనసాగుతున్న దూకుడు రాజకీయాలకు రావుల ఏ మేరకు సరిపోతాడు ? అన్నదే ప్రశ్న.