టీఆర్ఎస్’లో టీడీపీ హవా

ప్రస్తుతం టీఆర్ఎస్ లో టీడీపీ హవా కనిపిస్తోంది. వినడానికి విచిత్రంగా ఉన్నా.. ఇది నిజం. గతంలో తెదేపాలో కీలక పాత్ర పోషించిన నేతలు ఇప్పుడు టీఆర్ ఎస్ కు షిఫ్ట్ అయ్యారు. ఒక్కోక్కరుగా కారెక్కారు. తెలంగాణ టీడీపీని దాదాపు ఖాళీ చేశారు. రేపో, మాపో తెలంగాణ టీడీపీని టీఆర్ ఎస్ లో విలీనం చేసినా.. ఆశ్చర్యపోవాల్సిన పనిలేదు.

లెటెస్ట్ గా తెలంగాణ తెదేపా అధ్యక్షుడు ఎల్ రమణ తెరాసలో చేరిన సంగతి తెలిసిందే. మంత్రి కేటీఆర్ సమక్షంలో ఆయన తెరాసలో చేరారు. ఈ సందర్భంగా.. అక్కడ ఉన్న నేతలంతా తెదేపా నుంచి వచ్చిన వారే కావడం విశేషం. కొప్పుల ఈశ్వర్, గంగుల కమలాకర్, ఎర్రబెల్లి దయాకర్ రావు.. ఈ గుంపు అంత పచ్చగుంపే. తెదేపాలో కీలక పదవులు అనుభవించినవారే. 

వీరే కాకుండా మంత్రులు తలసాని శ్రీనివాస్, మల్లారెడ్డి తెదేపా గూటి నుంచి వచ్చినవారే. ఎమ్మెల్యే హనుమతరావు.. ఇలా చెప్పుకుంటే పోతే లిస్ట్ పెద్దదే. అదంతా ఎందుకు ? సీఎం కేసీఆర్ కూడా తెదేపా గూటి నుంచి వచ్చినవాడే కదా. మొత్తానికి.. ప్రస్తుతం తెరాసలో తెదేపా హవా కనిపిస్తోంది. పసుపు కలర్ తుడిపేసుకొని.. గులాబి కలర్ వేసుకొని.. మెరిసిపోతున్నారంతే.