నాని, చైతూ ఒకే టీమ్’లో !

టాలీవుడ్ యంగ్ హీరోలు క్రికెట్ పై మోజు పడుతున్నారు. క్రికెట్ ఆడటమే కాదు.. క్రికెట్ నేపథ్యంలో సినిమా చేస్తున్నారు. ఇప్పటికే నేచురల్ స్టార్ నాని తన కొత్త ‘జెర్సీ’ని ప్రకటించేశారు. క్రికెట్ నేపథ్యంలో ఈ సినిమా తెరకెక్కనుంది. ‘మళ్లీ రావా’ దర్శకుడు గౌతమ్‌ తిన్ననూరి దర్శకత్వంలో జెర్సీ తెరకెక్కనుంది. టైటిల్ పోస్టర్స్ లోనూ జెర్సీ నెం. 36తో పాటు, బ్యాట్.. కనిపించాయి. దీంతో ఆ సినిమాలో నాని క్రికెటర్ గా కనిపించబోతున్నారన్న విషయం అర్థమైంది.

ఇప్పుడు నాగ చైతన్య కూడా క్రికెట్ ఆడబోతున్నాడు. ‘నిన్ను కోరి’ ఫేం శివ నిర్వాణ దర్శకత్వంలో నాగ చైతన్య ఓ సినిమా చేయబోతున్నాడు. ఈ చిత్రంలో చైతూ క్రికెటర్ గా కనిపిస్తాడట. క్రికెట్ నేపథ్యంలో రూపొందే ఈ చిత్రంలో సమంత హీరోయిన్ గా నటిస్తుంది. ప్రస్తుతం చైతూ ‘సవ్యసాచి’, ‘శైలాజా రెడ్డి అల్లుడు’ సినిమాలతో బిజీగా ఉన్నారు. ఈ రెండు సినిమాలతో తర్వాత చైతూ బ్యాట్ పట్టుకొని మైదానంలోకి దిగనున్నాడు. దీంతో నాని, చైతూ.. ఒకే టీంలో ఆడితే ఎంత బాగుణ్ణు అని సరదాగా కామెంట్ చేస్తున్నారు జనాలు.