అక్టోబర్ 13న ‘ఆర్ఆర్ఆర్’ ఇంకా డౌటే ?

‘ఆర్ఆర్ఆర్’ విడుదల అక్టోబర్ 13నే అని క్లారిటీ వచ్చేసింది. గురువారం విడుదల చేసిన ‘ఆర్ఆర్ఆర్’ మేకింగ్ వీడియోలో రిలీజ్ డేట్ అక్టోబర్ 13 అని పేర్కొన్నారు. దీంతో.. ఆర్ఆర్ఆర్ విడుదల తేదీపై స్పష్టత వచ్చినట్టయింది. ఒకవేళ ఆ డేటున ఆర్ఆర్ఆర్ రాకుంటే ఖర్చీప్ వేద్దామని ఆచార్య, కేజీఎఫ్ 2, పుష్ప, రాధేశ్యామ్.. తదితర సినిమాలు ఉన్నాయి. కానీ అక్టోబర్ 13 తనదేనని మరోసారి క్లారిటీ ఇచ్చేశారు రాజమౌళి. అయినా సరే.. ఆ రోజున ‘ఆర్ఆర్ఆర్’ ఇప్పటికీ డౌటే అంటున్నారు.

రిలీజ్ డేటుపై హడావుడికి మరో కారణం ఉందని చెబుతున్నారు. అదే పెన్ స్టూడియోస్ అంటున్నారు. ఈ సినిమా కొనుగోలు దారుల్లో పెన్ స్టూడియో ఒకటి. ఆ సంస్థ సుమారు 100 కోట్లు ఆర్ఆర్ఆర్ కు అడ్వాన్స్ గా ఇచ్చిందని తెలుస్తోంది. ఆ సంస్థకు నిర్మాణ సంస్థతో వున్న లీగల్ అగ్రిమెంట్ ప్రకారం అక్టోబర్ 13న విడుదల కావాల్సి వుంది. ఆ మేరకు వత్తిడి వస్తోంది. అందుకే అక్టోబర్ 13నే ఆర్ఆర్ఆర్ అంటూ ప్రకటిస్తూ వస్తున్నారు. ఆ టైమ్ కి దేశంలో కరోనా థర్డ్ వేవ్ విజృంభించే అవకాశాలున్నాయి. అది చూపించి, వాయిదా వేసుకోవచ్చు అనే ఆలోచనలో వున్నారని తెలుస్తోంది.