రాహుల్ గాంధీని కలిసిన బండ్ల గణేష్.. టికెట్ ఖరారు ?
టాలీవుడ్ బడా నిర్మాత బండ్ల గణేష్ కాంగ్రెస్ అధ్యక్షుడు రాహుల్ గాంధీ కలవడం హాట్ టాపిక్ గా మారింది. మంగళవారం (జున్ 19) రాహుల్ గాంధీ పుట్టినరోజు. ఈ సందర్భంగా తెలంగాణ కాంగ్రెస్ నేతలు ఢిల్లీ వెళ్లి రాహుల్ ని కలిసి జన్మదిన శుభాకాంక్షలు తెలిపారు. నిర్మాత బండ్ల గణేష్ కూడా రాహుల్ ని కలిసి విషెస్ చెప్పారు. రాహుల్ తో దిగిన ఫోటోని తన ట్విట్టర్ లో పోస్ట్ చేశారు. ‘భారతదేశానికి మీరు మాత్రమే భవిష్యత్తు’ అంటూ కామెంట్ పెట్టారు. ఇప్పుడీ ఫోటో చూసినోళ్లు బండ్ల గణేష్ మాములోడు కాదు. ఆయన వచ్చే సాధారణ ఎన్నికల్లో కాంగ్రెస్ టికెట్ కోసం ప్రయత్నాలు చేస్తున్నారని చెప్పుకొంటున్నారు.
బండ్ల గణేష్ క్యారెక్టర్ ఆర్టిస్టుగా టాలీవుడ్ కు పరిచయమయ్యారు. చిన్నా.. చితక పాత్రలు చేసుకొంటూ నిర్మాత మారడు. ఆ తర్వాత టాలీవుడ్ బడా నిర్మాతగా పేరు తెచ్చుకొన్నాడు. స్టార్ హీరోలతో భారీ బడ్జెట్ సినిమాలు చేశారు. చివరికి ఆర్థికంగా దివాలా తీసి సినిమాలకు దూరమయ్యాడు. ప్రస్తుతం బిజినెస్ చేసుకొంటున్నాడు. ఐతే, వచ్చే సాధారణ ఎన్నికలో బండ్ల జనసేన పార్టీ తరుపున పోటీ చేస్తారనే ప్రచారం జరిగింది. ఇలాంటి సమయంలో రాహుల్ గాంధీని కలిసి అందరికీ షాక్ ఇచ్చాడు బండ్ల. మరీ.. వచ్చే సాధారణ ఎన్నికలో బండ్లకు కాంగ్రెస్ తరుపున టికెట్ దొరుకుతుందేమో చూడాలి.
