ఆ ప్రచారానికి చెక్ పెట్టిన ఖిలాడి

క్రాక్ తో మళ్లీ హిట్ ట్రాక్ లోకి వచ్చేశాడు మాస్ మహారాజా రవితేజ. ఆ వెంటనే ‘ఖిలాడీ’ చిత్రాన్ని సెట్స్ పైకి తీసుకెళ్లారు. ఈ చిత్రానికి రమేష్ వర్మ దర్శకుడు. మీనాక్షి చౌధరి-డింపుల్ హయతి హీరోయిన్లు. యాక్షన్ హీరో అర్జున్, హాట్ యాంకర్ అనసూయ కీలక పాత్రల్లో నటిస్తున్నారు. జెడ్ స్పీడుతో షూటింగ్ జరుపుకున్న ఈ చిత్రం కరోనా వలన బ్రేక్ పడింది.

ఈ గ్యాప్ లో ఖిలాడిపై షాకింగ్ వార్తలు వినిపించాయి. ఖిలాడీ ఇక ఆగిపోయింది. తిరిగి ప్రారంభం కావడం కష్టమే అనే ప్రచారం జరుగుతోంది. రవితేజ తన కొత్త సినిమా ‘రామారావు’ ఆన్ డ్యూటీని మొదలెట్టడమే ఇందుకు కారణం. తాజాగా ఈ ప్రచారానికి చెక్ పెడుతూ.. ఖిలాడీ చిత్రబృందం షూటింగ్ అప్ డేట్ ని ఇచ్చింది. ఈ నెల 26 నుంచి కొత్త షెడ్యూల్ ప్రారంభం కానుందని తెలియజేస్తూ.. ఓ కొత్త పోస్టర్ ని కూడా వదిలింది.