44 వేలకు చేరిన కొత్త కేసులు

దేశంలో కరోనా కేసులు మళ్లీ పెరుగుతున్నాయి. ప్రతిరోజూ 40వేలకుపైగా కొత్త కేసులు వెలుగుచూస్తున్నాయి. గడిచిన 24 గంటల్లో దేశంలో 44వేలకు చేరువగా కొత్త కేసులు నమోదయ్యాయి. 44,230 కేసులు వచ్చాయి. దాంతో మొత్తం కేసులు 3.15 కోట్లకు చేరాయి.

నిన్న 555 మంది మృత్యుఒడికి చేరుకున్నారు. ఇప్పటివరకు 4,23,217 మంది మహమ్మారికి బలయ్యారని కేంద్ర ఆరోగ్య శాఖ వెల్లడించింది. ప్రస్తుతం 4,05,155మంది కొవిడ్‌తో బాధపడుతున్నారు. ప్రస్తుతం క్రియాశీల రేటు 1.28 శాతంగా ఉండగా.. రికవరీ రేటు 97.38 శాతానికి చేరింది. నిన్న ఒక్కరోజే 42,360 మంది కోలుకోగా.. మొత్తంగా 3.07 కోట్ల మంది వైరస్‌ను జయించారు.